رغم ما قلتـه ورغـم اللـي بقـا عنـك بقولـه
والله إن المدح مهما كان في حقـك قليـل
بين ما طلتـه وذاك اللـي حلمـت إنـي أطولـه
وحدك اللي شفت تحقيقي لقربك مستحيـل
كنت أقول الحب قبـل يصيبنـي يسـر وسهولـة
لين حققني وعشت بقبضته عمري ذليـل
ما يفيـد نعيـش دام إن حلمنـا صعـبٍ حلولـه
ويش تساوي عيشةٍ فيها الفرح ماله دليـل
صعب نحيـا ولأمـل غايـب ولا يمكـن وصولـه
وإن بكينا من متى صار البكاء يشفي العليل
آه.. ويلي لـو غزيـر الدمـع يسعدنـي هطولـه
كان صرت اسعد بشر من كثر ما دمعي يسيل
والهوى لو مـا كسبنـي منـه مجـد ولا بطولـة
يكفي إنه جاد لي بك يا عسى عمرك طويـل
المحبـة بحـر وأنتـي عـز ياقـوتـه ولـولـه
واعتبرتك من يدين الحظ لي أعظـم جميـل
والغرام اللي فتـق ظهـري وأنـا شايـل حمولـه
ما لفاني بالهناء حتى ولـو عابـر سبيل
والبلاء قلبين صارت فـي بعـض حيـل مهبولـه
ما تبالي بالحزن عنها يميل أو مـا يميـل
عمرها ترحـال تجتـاح الزمـن عرضـه وطولـه
قصدها يـومٍ يخفـف عنهـا الهـمٍ الثقيـل
إن سكتْ أو أقولـه عـاد فـي بالـي حكـي ودي
قلت(أحبك) وأدري إن الحب في حقك قليـل
مع تحياتي
موضوع: قلت أأحبك 
الخميس مايو 13, 2010 9:15 pm
