لا طحت من عين الذي منك ما طاح
...................................طيّح عيونك يمكن يطيح منها
حاول..وجرّب..يمكن اليوم ترتاح
...................................وترتاح نفسن في ضلوعك طعنها
ماتدري ان الوقت صدمات واتراح؟
...................................ماتدري الآحباب محدن ضمنها؟
شفني وانا عامين بالصوت صيّاح
...................................صجني صياح الصوت واقول كنها
جتني تشيل الهم من صدر ما باح
...................................وتنام عين اللي جفونه لعنها
وازرع كلام الحب مع هبة رياح
...................................واحلف ورود الحب تنبت غصنها
شفت الهوا يجرح ولا هو بجرّاح
...................................يجرح صمود الصمت بالقول عنها
حالي مثل من قال(للكذب صحّاح))
...................................يكذب ويصّدق كذب والصدق بانها
راحت عقب ما طحت من طعنة رماح
...................................رمح الغلا لا صاب دمعك ثمنها
زاحت بلاد العشق والشوق ما زاح
...................................فيني على اللقيا مراتع وطنها
اسري مع دربن به الشوق ما راح
...................................حلمن على المسرى وليلي زمنها
الليل مثل الدمع والصبح مسّاح
...................................والشوق دمعه بعد الاحباب سنها
والحب مثل الكذب..ماني بمزّاح
...................................حبله قصير وشوف من هو فطنها!
اللي لبس للعشق تيجان ووشاح
...................................روحه خذلها الحب واصبح كفنها
شمس الغلا غابت ولا عاد تجتاح
...................................صدري ولا تشرق على احدن غبنها
قم شف لنا يا صاح دمعن لنا صاح
...................................ما ظن تلقى عين ترخي جفنها
لا تشتكي من وقت عنوانه جراح
...................................ولا تستشير اللي جروحه دفنها
في ضحكته تلقى مع الهم مسراح
...................................من موق عينه دنة الموت دنها
مو مشكلة لا شفت غيرك له ارتاح
...................................عادي تروح احرار في شوف ظنها
المشكلة لا طحت من شخص ما طاح
...................................طاحت عيونك بس ما طاح منها
موضوع: الحب مثل الكذب ماني بمزاح 
الخميس مايو 13, 2010 9:44 pm