الله ولا الهاجس اللي مايريحني
*****أسهر عيوني وعناني وعنيته
أحاول أخفيه مير الحزن يفضحني
*****متمركز بالحشى كل الحشى بيته
ياللي تعاتب غموضي ولاتوضحني
*****ماباقي في الخفوق الأ تناهيته
أصافح الهم قبل انه يصافحني
*****واحب خشمه واردد في الخفى ليته
ليته قبل لاتزل خطاي ينصحني
*****ولايريح خفوقي من عفاريته
والغالي اللي عليه الشوق ذابحني
*****اقفى به الوقت ماجاني ولاجيته
ياسيد الغيد قبل أقول لك بحني
*****بخبرك عن كلام عنك خفيته
تدري وش أكبر خطاي الله يسامحني؟
*****اقفايتي عنك وانت اللي تمنيته
وهذا هو اللي معذبني وجارحني?
*****أقول ابنساه وانا ما تناسيته
موضوع: تدري وش أكبر خطاي الله يسامحني؟ 
الخميس مايو 13, 2010 9:33 pm